| Episode | Topic | Content |
|---|---|---|
| 868 | Imyitwarire ya Soso ikomeje kujya irudubi. Noneho ntiyibuka uko yaraye ku rubaraza rw’ibiro bya Ngirankugire. Uburwayi bwa Maribori bwo bukomeje kumubera amayobera mu gihe Kigingi babyaranye Hercule we amukeka amababa. Kibanga we Manyobwa amufatanye igihanga amunegurira Rita umuriro uraka ! Ku rundi ruhande, mu gihe umuryango wa Mbarubukeye waganiraga ku kibazo cy’umwana yabyaranye na Fidusiya, Nyirandatwa abyitambitsemo. | |
| 867 | Maribori abwiye Melodie ko aryama aho kugira ngo aruhuke agarure imbaraga akarushaho gucika intege. Mbarubukeye we araganira n’umuhungu we Shema amubwira ko asanga umuryango udakwiye gutererana umwana uhekewe na Fidusiya. Ku rundi ruhande, Manyobwa yaheze mu buriri ashengurwa n’intimba kubera umugore wamuvugiye nabi ikimero. Vicky we atangaje ko agiye gufata icyemezo kidasanzwe kugira ngo abashe gutwaza Soso umusaraba. | |
| 866 | Gakwaya akomeje kuba mu rungabangabo ntabasha kwikamata ngo aganirize umwana ku myitwarire yamuranze mu gihe cy’amakimbirane ya Muhumuro na Bumanzi amumare amatsiko. Kibanga na Manyobwa bo bayoberanywe mu mashyi no mu mudiho ! Manyobwa aririmba arizwa n’ishavu amaranye iminsi naho Kibanga we kireri irashya ! Hagati ya Gasore na Karimanzira na Shantali ho haratutumba umwuka utari mwiza. | |
| 865 | Gasore wari mu bitaro nyuma yo kugirirwa nabi n’abantu batamenyekanye, agezweho n’inkuru y’uko ubuzima bw’ubuheta bwe Prince buri mu kaga nyuma yo kugongwa n’ipikipiki igahita icika. Fiyete nawe intimba ni yose kubera gukomeza kubwirwa amagambo ababaza umutima ku bwo kuba afitanye isano na Ruvubura kandi ntabyo yahisemo. Ku rundi ruhande impaka zibaye ndende hagati ya Jimmy na Se umubyara. | |
| 864 | Kutitinya kwa Melodie na Maribori bikomeje kubateza intambwe bajya mbere ! Noneho Melomar bashinze ibonye inguzanyo yo kugura imodoka yo kugoboka mu bucuruzi. Gakwaya we yaraye akanuye ijoro arita hanze abunza imitima. Aribaza uko byagenda aganirije umuhungu we Vicky ku mateka ye bikamuviramo kumwanga nk’uko Jimmy yanze se Ruvubura. Shantali we atatse avuga izina ry’umwana we Prince nk’aho hari icyo abaye. |
Copyright © 2014 - La Benevolencija all right reserved